„Það er fínt að vera búinn að losna við skeggið. Það var kominn tími á að breyta aðeins til. Þetta var ákveðin vinna að olíubera þetta alltaf," sagði Aron Einar Gunnarsson léttur í bragði í viðtali við Fótbolta.net í dag.
Á föstudaginn mun hann í fyrsta skipti í langan tíma ekki vera með skeggið fræga í landsleik en skeggið varð heimsfrægt á EM í fyrra. Aron reiknar með hörkuleik gegn Kosóvó.
Á föstudaginn mun hann í fyrsta skipti í langan tíma ekki vera með skeggið fræga í landsleik en skeggið varð heimsfrægt á EM í fyrra. Aron reiknar með hörkuleik gegn Kosóvó.
„Þetta eru sprækir og teknískir strákar. Þeir beita skyndisóknum vel. Þetta er nýtt lið og það tekur tíma að búa til lið. Þetta eru góðir leikmenn sem eru að spila í sterkum deildum og þeir hafa verið að fá leikmenn sem eru að spila fyrir góð lið. Þetta verður ekki auðvelt. Fólk heldur kannski að þetta verði auðvelt en enginn landsleikur er auðveldur og við vitum það manna best."
Þónokkur forföll eru í íslenska liðinu en Aron hefur ekki miklar áhyggjur af því.
„Þessir sem hafa komið inn í þetta vita nákvæmlega hvað er ætlast til af þeim. Þeir kunna þessa taktík 100% og það er gamla góða tuggan, það kemur maður í manns stað. Þessi hópur hefur verið það lengi saman að það vita allir hvað er ætlast til af þeim. Það er vonandi að þeir stígi inn og komi með nokkur mörk."
Aron kemur í góðum gír inn í landsleikina en hann hefur spilað vel með Cardiff undanfarna mánuði.
„Það gengur mjög vel. Ég er í fínu standi og er búinn að spila mikið af leikjum. Ég er í góðu leikformi og klár í slaginn," sagði Aron en hann hefur verið í lykilhlutverki hjá Cardiff síðan Neil Warnock tók við liðinu snemma á tímabilinu.
„Hann kom inn í þetta og breytti hugsunarhætti liðsins. Hann kom með ákveðið sjálfstraust inn í hópinn og fór back to basics. Þetta er flottur þjálfari sem er með mikla reynslu," sagði Aron.
Hér að ofan má sjá viðtalið í heild sinni.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir