„Kosóvó mun byrja leikinn af miklum krafti. Þeir sjá að við erum særðir því að það vantar menn sem hafa spilað hvað mest fyrir okkur. Þá langar svakalega í sigur til að halda áfram að byggja upp landsliðið sitt,“ sagði Kristján Guðmundsson í þættinum.

„Þetta er skeinuhætt lið sem verður erfitt að vinna og það verður gríðarlega erfitt að spila þarna. Vonandi vinnum við 2-1. Fyrsta markið skiptir öllu máli og það að fara með rétt spennustig í leikinn.“

Brynjar Björn Gunnarsson spáir Íslandi einnig sigri í leiknum.
„Hræðslan hjá almenningi felst að við vitum lítið um hitt liðið. Ég hef fulla trú á íslenska liðinu. Við höldum áfram að byggja á sterkum varnarleik og nýta færin sem við fáum. Við erum með ótrúlega nýtingu í færum. Þetta verður solid 1-0 sigur. Við gefum fá færi á okkur og skorum eitt úr horni eða aukaspyrnu,“ sagði Brynjar.

Hér að ofan má sjá umræðuna í heild sinni.

Sjá einnig:
Sjónvarpið: Hvernig á byrjunarliðið að vera gegn Kosóvó?
Sjónvarpið: „Væri Viðar í landsliðinu núna ef Lars væri þjálfari?“
Sjónvarpið: „Auðveldara að setja menn inn á vængina og fram"