„Þetta hefur vanist nokkuð vel. Maður er lítið að spá í þessu. Það hefur gengið vel og þá byrja svona sögusagnir," sagði Gylfi við Fótbolta.net í dag.

„Það er búið að nefna mikið af liðum til sögunnar en ég er mjög ánægður hjá Swansea þó að við séum í erfiðri stöðu í deildinni. Við erum með fínan þjálfara sem er að gera fína hluti. Ég er ekkert að æsa mig yfir þessu."

Paul Clement, fyrrum aðstoðarstjóri Chelsea, Real Madrid og Bayern, tók við Swansea í janúar og undir stjórn hans hefur liðið komið sér úr fallsæti.

„Hann er mjög góður þjálfari. Þú sérð af hverju hann er búinn að vera hjá þessum stóru klúbbum. Hann er skipulagður og með mjög góðar æfingar. Hann er með góða reynslu af stórum leikjum og stórum leikmönnum sem hann hefur þurft að eiga við í gegnum tíðina. Hann er helsta ástæða þess að við erum ekki lengur í neðsta sætinu."

„Skipulagið varnarlega hefur breyst. Hann vill að við spilum góðan varnarleik og með því kemur sjálfstraust og góður sóknarleikur. Llorente er farinn að skora og það hjálpar líka."

Gylfi er að undirbúa sig undir leikinn mikilvæga með íslenska landsliðinu gegn Kosóvó á föstudaginn. „Þetta verður erfiður leikur. Þeir eru með nýtt lið og eru með fína leikmenn sem spila hér og þar. Þeir eru fínir í fótbolta, sérstaklega í skyndisóknum þar sem þeir eru með flinka leikmenn fram á við. Þetta verður hörkuleikur," sagði Gylfi.

Hér að ofan má sjá viðtalið í heild sinni.

Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki