Kosóvó kom óvænt inn í riðil Íslands í lok sumars eftir að búið var að draga í riðlana fyrir mótið en þá hafði knattpspyrnusamband þjóðarinnar fengið samþykki um inngöngu í FIFA í fyrsta sinn.

„Þetta er nýtt lið og ný þjóð í raun og veru. Þetta verður bara spennandi, þeir eru með hörkulið og eiga eftir að verða fljótir að klifra upp FIFA listann. Við þurfum að vera 100% tilbúnir í þennan leik til að geta fengið eitthvað úr honum," sagði Ólafur Ingi.

„Við erum einbeittir að því að passa okkur að skoða þá vel og fara yfir þá leiki sem þeir hafa spilað svo við vitum hvað við erum að fara út í."

Íslenska liðið er lemstrað fram á við, þar vantar nokkra lykilmenn sem allajafna byrja, Jóhann Berg Guðmundsson, Birki Bjarnason og Kolbein Sigþórsson.

„Það kemur bara maður í manns stað," sagði Ólafur Ingi. „Við höfum úr nógu af mönnum að taka og ég er sannfærður um að þeir sem fá að spreyta sig gera það bara mjög vel."

Nánar er rætt við Ólaf Inga í sjónvarpinu hér að ofan.

Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki