Undanúrslitin í Meistaradeild Evrópu hefjast í kvöld þegar Atletico Madrid mætir Chelsea.
Hér að neðan má sjá spá sérfræðinganna fyrir leik kvöldsins.
Hér að neðan má sjá spá sérfræðinganna fyrir leik kvöldsins.
Fótbolti.net (Magnús Már Einarsson)
Atletico Madrid 2 - 1 Chelsea
Atletico Madrid heldur áfram að gera frábæra hluti á heimavelli. Diego Costa er líklega á leið til Chelsea í sumar og hann gulltryggir það að Roman Abramovich mun taka upp veskið í sumar með því að skora bæði mörk Atletico í kvöld. Andre Schurrle skorar hins vegar mikilvægt útivallarmark fyrir Chelsea og gerir um leið síðari viðureignina hrikalega spennandi.
Kristján Guðmundsson
Atletico Madrid 2 - 0 Chelsea
Ég tel að Chelsea nái ekki að skora hið mikilvæga útivallarmark á Vicente Calderon í kvöld eins og þeir gerðu í París í seinustu umferð. Atletico vita að þeir verða að sigra heimaleikinn til að eiga möguleika á að komast í úrslitaleikinn en hvort þeir láti sér nægja að vinna einungis 1-0 mun koma í ljós. Mjög mikilvægt er fyrir bæði lið að lykilleikmenn spili leikinn en óvíst er með þátttöku Hazard og að missa hann skiptir máli fyrir Chelsea.
Hjörtur Hjartarson
Atletico Madrid 1 - 0 Chelsea
Öskubuskuævintýri Madridinga hefur verið með hreinum ólíkindum. Enginn efast lengur um að hér sé hörkulið á ferðinni sem getur farið alla leið. Ég held að Atletico fari með sigur af hólmi í þessum leik. Það er mikill meðbyr með liðinu. Ekkert ólíklegt hinsvegar að Mourinho nái að snúa taflinu sér í vil í seinni leiknum.
Staðan (3 stig fyrir rétt skor - 1 stig fyrir rétt tákn)
Fótbolti.net - 17
Kristján Guðmundsson - 15
Hjörtur Hjartarson - 13
Athugasemdir