„Mér hefur liðið ákaflega vel í Kópavoginum með Óla og það hefur verið gaman að vinna með honum og verður það áfram. Ég er gríðarlega ánægður með að hann verði með okkur þessa fyrstu leiki í deildinni. Það mun bara hjálpa mér og liðinu. Um það er ég sannfærður."

Guðmundur var þjálfari Selfoss 2010 í Pepsi-deildinni en liðið féll. Hann var svo ráðinn til Breiðabliks þa sem hann hefur verið aðstoðarmaður Ólafs. Guðmundur segist hafa breyst sem þjálfari frá því að hann steig sín fyrstu þjálfaraskref á Selfoss.

„Ég held að það sé alveg klárt mál. Ég hafði ákaflega gaman að því þegar ég þjálfaði Selfoss og ég lærði mikið af því. Maður lærir ekki nema maður geri hlutina. Ég held að ég geti fullyrt það að ég er betri þjálfari í dag en ég var þá."

Guðmundur er einn ástsælasti íþróttalýsandi landsins og ljóst að þetta hefur áhrif á starf hans fyrir Stöð 2 Sport.

„Þetta hefur einhver áhrif en þetta er nýkomið upp og það er ekki komin nein niðurstaða í þau mál. Við höfum einmitt eytt deginum í að skoða þau mál og við finnum einhverja lausn á því. Ef það er áhugi þá finnst lausn."

Viðtalið má sjá í sjónvarpinu hér að ofan.