Það var einn leikur í sænsku úrvalsdeildinni í dag. Árni Vilhálmsson og félagar hans í Jönköpings Södra unnu öflugan sigur á AIK.

Árni byrjaði leikinn hjá Jönköpings Södra, en leikurinn byrjaði ekki vel fyrir hans menn sem lentu undir eftir eina mínútu.

Þeir náðu að svara því með marki á fimmtu mínútu. Staðan í hálfleik var 1-1, en Árni var tekinn af velli í hálfleiknum.

Hans menn náðu að landa sigrinum án hans, en sigurmarkið skoraði Jesper Svensson á 68. mínútu, lokatölur 2-1.

Jönköpings Södra er í öðru sæti deildarinnar með sjö stig, en AIK er um miðja deild með fjögur.
Haukur Heiðar Hauksson spilaði ekki með AIK í leiknum.