Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Niðurtalningin - Tveir vendipunktar síðasta sumar
Niðurtalningin - Eitthvað nýtt og miklu stærra
Aldrei heim - Horfum ekki á E-riðilinn á EM
Niðurtalningin - Hverfisstrákarnir úr Árbænum
Aldrei heim - Kjartan Henry fékk góða gjöf frá Úkraínumanni
Aldrei heim - Formaðurinn í takkaskónum
Niðurtalningin - Sama uppskrift og í fyrra
Aldrei heim - Landsliðið komið til Póllands
Útvarpsþátturinn - Jói Kalli, Bjarki Már og Elvar Geir um landsliðið
Beint frá Búdapest - Hetjan sem mátti ekki tala
Beint frá Búdapest - Áfall að morgni leikdags
Viktor Unnar: Fann strax að þetta er eitthvað sem á við mig
Aron Jó: Cole Campbell tekur sínar eigin ákvarðanir
Hugarburðarbolti Þáttur 8
Beint frá Búdapest - Skiptar skoðanir á ákvörðuninni um Albert
Hákon Rafn - Umspilið og leiðin til Brentford
Enski boltinn - Töfrar í bikarnum
Útvarpsþátturinn - Landsliðsvalið fyrir bardagann í Búdapest
Hugarburðarbolti Þáttur 7
Gylfi mættur í Val - Lyftir deildinni upp um nokkrar hæðir
banner
   lau 22. apríl 2017 16:50
Útvarpsþátturinn Fótbolti.net
Tryggvi Páll: Væri 'game over' hjá öðrum en Zlatan
Zlatan spilar ekki fótbolta á næstunni.
Zlatan spilar ekki fótbolta á næstunni.
Mynd: Getty Images
Marcus Rashford fær að láta ljós sitt skína sem fremsti maður.
Marcus Rashford fær að láta ljós sitt skína sem fremsti maður.
Mynd: Getty Images
„Það bendir til þess að hann hafi slitið allt í hnénu í drasl. Við erum að tala um einhverja 8-9 mánuði frá. Þetta lítur illa út," sagði Tryggvi Páll Tryggvason á raududjoflarnir.is um meiðsli Zlatan Ibrahimovic, sóknarmanns Manchester United.

Þessi 35 ára Svíi meiddist illa í sigri United gegn Anderlecht í Evrópudeildinni á fimmtudagskvöld.

„Ef þetta væri einhver annar en Zlatan þá myndi maður telja að þetta væri 'game over' en það er ekki eðli Zlatans að gefast upp núna. Samningur hans rennur út í sumar og spurning hvað Manchester United gerir í þessu. Það er erfitt að sjá hvað gerist."

Tryggvi segir að í fullkomnum heimi myndi United gera nýjan samning við hann og nota hann í breiddina þegar hann hann kemur til baka.

„Það er samt ekki forsvaranlegt að vera að borga 300 þúsund pund á viku bara fyrir að hafa skemmtilegan mann í hópnum."

United er komið í undanúrslit Evrópudeildarinnar þar sem liðið mun leika gegn Celta Vigo. Þá er liðið enn í baráttu um að enda í topp fjórum á Englandi. Hvað þýðir brotthvarf Zlatan fyrir liðið og lokasprettinn?

„Hann hefur verið langbesti leikmaður United á tímabilinu og mörk hans hafa gefið liðinu mikið. Hin hliðin á teningnum er sú að liðið hefur reitt sig mikið á hann, sóknarleikurinn hefur gengið út á að finna Zlatan. Þó það sé gróft að draga ályktanir út frá einum leik þá virkaði liðið mjög vel með Rashford og Lingaard í framlínunni gegn Chelsea, það var meiri liðsframmistaða og eitthvað sem maður vill kannski sjá í framtíðinni," segir Tryggvi.

„Bjarti sólargeislinn í þessu er að nú fær kannski Rashford að vera fremstur en ekki úti á kantinum. Manni finnst hann vera bestur frammi. Hann fær tækifæri til að láta ljós sitt skína eins og hann hefur verið að gera í síðustu leikjum. Það eru margir erfiðir leikir framundan og auðvitað er slæmt að missa Zlatan í þessum leikjum."

Tryggvi segir að nú sé rétti tímapunkturinn fyrir Anthony Martial að sýna hvað hann getur en Frakkinn hefur legið undir mikilli gagnrýni frá Jose Mourinho.

Í leiknum gegn Anderlecht missti United líka Marcos Rojo í meiðsli. Miðvörðurinn er umdeildur meðal stuðningsmanna en hefur staðið sig vel í lykilhlutverki í liðinu síðustu mánuði.

„Hann hefur verið virkilega þéttur og hrikalegt að missa hann. Nú er Eric Bailly eini miðvörðurinn sem er heill og það verður erfitt að fylla skarð Rojo. United mun kaupa allavega einn miðvörð í sumar, jafnvel tvo."

Tryggvi segir að það yrði slys ef United nær ekki að vinna Evrópudeildina en viðtalið við hann má heyra í heild sinni í spilaranum hér að ofan.
Athugasemdir
banner
banner
banner