Allsop reynir að stöðva Jamie Vardy en án árangurs.
Ryan Allsop, fyrrum markvörður Hattar á Egilsstöðum, var í byrjunarliði Bournemouth gegn Leicester í 1-1 jafntefli liðanna í lokaumferð ensku úrvalsdeildarinnar í gær.
Hinn 24 ára gamli Allsop spilaði með Hetti í 1. deildinni fyrri hluta sumars 2012 og stóð sig mjög vel.
Allsop hefur verið varamarkvörður Bournemouth síðan Adam Federici meiddist illa á hné í janúar. Artur Boruc, aðalmarkvörður Bournemouth, gat ekki spilað í gær vegna meiðsla og því fékk Allsop sénsinn.
Hinn 24 ára gamli Allsop spilaði með Hetti í 1. deildinni fyrri hluta sumars 2012 og stóð sig mjög vel.
Allsop hefur verið varamarkvörður Bournemouth síðan Adam Federici meiddist illa á hné í janúar. Artur Boruc, aðalmarkvörður Bournemouth, gat ekki spilað í gær vegna meiðsla og því fékk Allsop sénsinn.
Allsop átti fínan dag en hann gat lítið gert í marki Leicester sem Jamie Vardy skoraði af stuttu færi.
„Mér fannst ég standa mig vel. Ég var svolítið ryðgaður en ég komst inn í leikinn og sjálfstraustið jókst. Heilt yfir er ég ánægður," sagði Allsop eftir leik.
Þetta var annar leikur Allsop í ensku úrvalsdeildinni en hann kom inn á sem varamaður í 3-3 jafntefli gegn Everton í nóvember árið 2015.
Allsop í leik með Hetti árið 2012.
Athugasemdir
