Það eru sjö leikir í heildina í íslenska boltanum á þessum fallega mánudegi. Pepsi-deild karla heldur áfram að rúlla á fullu!

Það fara fram þrír leikir í Pepsi-deild karla í dag, en í gær voru einnig spilaðir þrír leikir. Með þessum leikjum lýkur 4. umferðinni.

Íslandsmeistarar FH fá Fjölni í heimsókn á Kaplakrikavöll, en á sama tíma eigast ÍA og Grindavík við upp á Skipaskaga.

Aðalleikurinn í dag er á milli Vals og KR að Hlíðarenda. Bæði lið hafa verið að spila vel og það verður fróðlegt að sjá hvað gerist í leiknum. Leikir þessara liða hafa verið fjörugir í gegnum tíðina.

Það er einnig leikið í 4. deild karla í kvöld og Tindastóll og Völsungur mætast í Borgunarbikar kvenna.

Allir á völlinn!