Hinn 22 ára gamli Halldór Páll Geirsson hefur gripið tækifærið í marki ÍBV í síðustu tveimur leikjum liðsins í Pepsi-deildinni.
Derby Carillo, landsliðsmarkvörður El Salvador, byrjaði tímabilið sem aðalmarkvörður ÍBV en eftir dapra frammistöðu í 5-0 tapi gegn Stjörnunni í 2. umferð þá fékk Halldór tækifærið.
Halldór hefur þakkað traustið en hann hélt hreinu í 1-0 sigri á Víkingi R. fyrir rúmri viku og í gær hélt hann hreinu í 3-0 sigri á Víkingi Ólafsvík.
Derby Carillo, landsliðsmarkvörður El Salvador, byrjaði tímabilið sem aðalmarkvörður ÍBV en eftir dapra frammistöðu í 5-0 tapi gegn Stjörnunni í 2. umferð þá fékk Halldór tækifærið.
Halldór hefur þakkað traustið en hann hélt hreinu í 1-0 sigri á Víkingi R. fyrir rúmri viku og í gær hélt hann hreinu í 3-0 sigri á Víkingi Ólafsvík.
ÍBV fær ÍA í heimsókn í næsta leik á laugardaginn og Halldór verður áfram í markinu þar.
„Hann er sá sem er í markinu núna," sagði Kristján Guðmundsson, þjálfari ÍBV, um Halldór í viðtali eftir leikinn í gær.
„Á meðan hann stendur sig eins og hann gerir í dag þá er hann í liðinu áfram."
Halldór varði mark KFS í 3. deildinni 2015 áður en hann kom inn í leikmannahóp ÍBV í fyrra.
Halldór spilaði fimm leiki í Pepsi-deildinni á síðasta tímabili og þessi ungi Eyjamaður byrjar einnig vel í ár.
Hér að neðan má sjá viðtalið við Kristján þjálfara eftir leikinn í gær.
Athugasemdir