Heimild: RÚV
Tillaga Sjálfstæðismanna í Hafnarfirði um að byggja tvö knatthús í fullri stærð í bæjarfélaginu var felld í gær. Bæjarfulltrúar Bjartrar framtíðar, sem myndar meirihluta með Sjálfstæðisflokknum, studdu tillöguna ekki.
Samkvæmt tillögunni átti annað húsið að koma í Kaplakrika, félagssvæði FH, og hinn á Ásvöllum þar sem Haukar ráða ríkjum.
Björt framtíð segir að tillöguna hafi skort nauðsynleg fylgigögn, til dæmis kostnaðarmat og greinargerð um afleiddan rekstrarkostnað af byggingunum.
Rósa Guðbjartsdóttir, oddviti Sjálfstæðismanna í Hafnarfirði, segir við RÚV að Sjálfstæðismenn ætli að leggja tillöguna aftur fram í haust í breyttri mynd. Málið sé mikilvægt – á annað þúsund krakkar æfi fótbolta bænum og aðstaðan sé orðin slök.
Athugasemdir