Ísland í bláum búningum í dag

Íslenska landsliðið verður í bláum aðalbúningum sínum í leiknum gegn Nígeríu í Volgograd klukkan 15:00 í dag.

Gegn Argentínu var Ísland í hvítum varabúningum og það sama verður upp á teningnum gegn Króatíu á þriðjudaginn.

Í dag verður Ísland hins vegar í hefðbundnum bláum búningum. Hannes Þór Halldórsson, markvörður, verður í svörtum búning en ekki rauðum líkt og gegn Argentínu.

Nígeríu menn eru í ljósgrænum og hvítum treyjum en Francis Uzoho markvörður þeirra verður í appelsínugulum búning.