Aganefnd KSÍ tók ekki fyrir líkamsárásina á Hellissandi á fundi sínum í dag. Úrskurðinum hefur verið frestað um viku en bæði félög fá tækifæri til að senda inn gögn vegna málsins.
Leikmaður 2. flokks Snæfellsness var lagður inn á spítala eftir að hafa orðið fyrir líkamsárás í leik gegn Sindra.
Betur fór en á horfðist og hefur leikmaðurinn verið útskrifaður af sjúkrahúsinu en er undir eftirliti lækna.
Atvikið átti sér stað á lokasekúndum leiksins þegar leikmaður Sindra, fæddur árið 1998, missti stjórn á skapi sínu og réðst á leikmann Snæfellsness með þeim afleiðingum að hann slasaðist illa og strax var kallað á lögreglu og sjúkralið.
Leikmaður Sindra sparkaði meðal annars í leikmann Snæfellsnes þegar hann lá liggjandi í jörðinni.
Athugasemdir