Theodór Sveinjónsson, þjálfari Aftureldingar í Pepsi-deild kvenna, var ánægður með 0-1 sigur liðsins á FH í kvöld.
Lestu um leikinn: FH 0 - 1 Afturelding
Afturelding er með sex stig eftir fyrstu tíu umferðir mótsins en liðið er einungis tveimur stigum frá FH.
,,Ég get ekki sagt annað en að ég er gríðarlega ánægður með liðið. Það er búið að vera stígandi í þessu hjá okkur og það hlaut að koma að því. Við vorum nálægt því á móti Fylki að hirða stig þar og svo mætum við öðru góðu liði en sigurinn datt okkar megin," sagði Theodór við Fótbolta.net eftir leik.
,,Það hefði verið slæmt að missa FH lengra frá okkur þar sem það er liðið fyrir ofan okkur og maður stefnir að ná næsta liði og þær voru komnar með 8 stig með átta stig og við þrjú en nú erum við með sex. The race is on eins og maður segir á góðri íslensku"
,,Á þessum stutta tíma sem ég hef verið með liðið þá höfum við verið að gera þetta og við ætlum að halda áfram og taka næsta leik," sagði hann ennfremur.
Hægt er að sjá viðtalið í heild sinni hér fyrir ofan.
Athugasemdir