Lestu um leikinn: FH 0 -  1 Afturelding

Stefanía Valdimarsdóttir skoraði sigurmarkið hjá Aftureldingu þegar um það bil hálftími var eftir af leiknum en Afturelding er nú tveimur stigum á eftir FH í deildinni.

,,Svekkjandi tap, hefði viljað fá meira út úr þessum leik til að halda þeim fyrir neðan okkur í deildinni en nú erum við búin að hleypa þeim inn í þennan pakka og við verðum bara að bíta í það og hugsa um næstu verkefni," sagði Þórður við Fótbolta.net.

,,Kæruleysi, varnarlega og sóknarlega. Brutum klaufalega af okkur og gefa þeim tækifæri, vorum ekki að fara almenninlega í mennina og mættum kannski ekki almenninlega stemmdar inn í leikinn í dag."

,,Við skoðum allt en eins og staðan er núna erum við komin með okkar hóp. Hanna er meidd og við vitum ekki stöðuna á henni en sóknarlega vorum við að byggja vel upp en vantaði að binda endahnútinn á okkur og koma með almenninlega fyrirgjafir eða skot," sagði hann ennfremur.

Hægt er að sjá viðtalið í heild sinni hér fyrir ofan.