Öllum leikjum dagsins í 2. deild karla er lokið. Fyrr í dag mættust Huginn og Afturelding, en núna var fjórum leikjum að ljúka.

Á toppnum eftir daginn í dag er Njarðvík. Njarðvíkingar fóru á Höfn í Hornafirði og unnu þar góðan sigur. Njarðvík komst í 2-0 gegn Sindra, en Sindramenn minnkuðu muninn. Njarðvík hélt þó út.

Sindri er á botni deildarinnar og þar fyrir ofan í næstu sætum koma KV og Fjarðabyggð. KV tapaði 2-0 gegn Hetti á heimavelli í dag á meðan Fjarðabyggð lagði Tindastól í skemmtilegum leik.

Fjarðabyggð vann 3-2 sigur í leik þar sem tvö rauð spjöld fóru á loft.

Að lokum lagði Vestri, sem rak þjálfarann sinn á dögunum, lið Víðis. Þar voru lokatölur 2-1 fyrir Vestra, en Viktor Júlíusson skoraði bæði mörk Vestra á síðasta stundarfjórðungnum.