Það eru tveir leikir búnir í 3. deild karla í dag.

Óvænt úrslit litu dagsins ljós á Ólafsfjarðarvelli þar sem heimamenn í KF fengu Vængi Júpiters í heimsókn.

KF gerði sér lítið fyrir og vann stórsigur 5-0. Jakob Snær Árnason gerði þrennu, Jón Árni Sigurðsson var með eitt og Vitor Vieira Thomas skoraði einnig eitt mark.

Lokatölur 5-0 og þessi úrslit eins og áður segir óvænt þar sem þessi lið eru bæði í toppbaráttu. KF er núna í öðru sæti með 21 stig á meðan Vængir eru með einu stigi minna í þriðja sæti.

Á Vopnafirði gerðu Einherji og Þróttur V. 1-1 jafntefli. Einherji komst yfir, en undir lokin jöfnuðu Þróttarar. Þá höfðu heimamenn misst mann af velli með rautt spjald.