Robert Pires, fyrrum leikmaður Arsenal, telur að það gæti tekið nokkra mánuði fyrir landa sinn, Alexandre Lacazette, að komast í gang hjá Lundúnarfélaginu. Lacazette er dýrastur í sögu Arsenal.
Pires kom til Arsenal árið 2000 og hann segir að það hafi tekið 6-7 mánuði fyrir sig að aðlagast.
Pires kom til Arsenal árið 2000 og hann segir að það hafi tekið 6-7 mánuði fyrir sig að aðlagast.
„Ég held að hann muni slá í gegn," sagði Pires við BBC. „Hann þarf samt tíma til að aðlagast."
Lacazette skoraði í sínum fyrsta æfingaleik með Arsenal, en Pires telur að það muni taka hann tíma að venjast enskum fótbolta.
„Hann er góður sóknarmaður sem skoraði fullt af mörkum fyrir Lyon. Auðvitað verður þetta erfitt til að byrja með vegna þess að það er ekki það sama að spila í Frakklandi og Englandi."
„Kannski þarf hann tíma til að aðlagast, en allir í kringum hann eru mjög mikilvægir, sérstaklega Frakkarnir."
Athugasemdir