Fólk fékk mest fyrir 2.000 kallinn: Það hafa oft komið fjörugri leikir í sumar heldur en í þessari umferð. Í Garðabænum skoraði Stjarnan fjögur gegn Fjölni og heimamenn fengu góða veislu fyrir peninginn þar.
Heiðursverðlaun umferðarinnar: Aðeins öðruvísi vinkill hér að þessu sinni. Gunnlaugur Jónsson hætti sem þjálfari ÍA í gær en hann fær heiðursverðlaunin frá .net að þessu sinni. Gunnlaugur kom Skagamönnum aftur upp í efstu deild árið 2014 og tvö tímabil þar á eftir náði hann mjög miklu út úr hópnum. Gunnlaugur byggði lið ÍA nánast eingöngu á uppöldum heimamönnum og það er virðingarvert.
Áhyggjuefni umferðarinnar: Áhorfendatölurnar hafa ekki verið nægilega góðar í Pepsi-deildinni í sumar og það endurspeglaðist í 16. umferðinni. Enginn leikur var með fleiri en 1000 áhorfendur. Áhyggjuefni sem félögin og KSÍ þurf að setjast yfir.
Hahahaha (19.15)#fotboltinet pic.twitter.com/OXVzFtiY3O
— Hawk Football Artist (@hawk_attacks) August 21, 2017
EKKI lið umferðarinnar: Ólafsvíkingar og Fjölnismenn eru margir í EKKI liðinu að þessu sinni eftir skelli í umferðinni. Mark umferðarinnar: Einar Karl Ingvarsson skoraði með frábæru þrumuskoti fyrir Val gegn Grindavík. Gísli Eyjólfsson átti hins vegar ennþá fallegra skot fyrir Breiðablik gegn Víkingi Ólafsvík og það fær þennan titil. Bæði Einar og Gísli voru að mæta félögum sem þeir hafa áður leikið með.
Ummæli umferðarinnar: Talandi um þrumuskot Gísla. Hann sló á létta strengi í viðtali eftir leik. „Ég þekki vel til hérna, ég vissi af einni þúfu þarna þannig hann skoppaði vel áður en ég hitti hann. Annars hefði hann aldrei farið inn," sagði Gísli um markið.
Spjaldaregn umferðarinnar: Vilhjálmur Alvar Þórarinsson sýndi eitt rautt spjald og tíu gul í leik Víkings R. og KA. Skiptar skoðanir voru á dómgæslu Vilhjálms og hann fékk að heyra það á Twitter. Þegar leikurinn er skoðaður virðast flestir dómar hans hafa verið hárréttir.
Kökuveisla umferðarinnar: Skagamenn voru með kökuveislu á sunnudaginn þegar ÍBV kom í heimsókn. Öllum áhorfendum var boðið að þiggja skúffu og gulrótaköku frítt. Skemmtilegt framtak.
Fallfnykur umferðarinnar: Árni Snær Ólafsson, markvörður ÍA, fékk afskaplega klaufalegt mark á sig gegn ÍBV. Sóknarleikur skagamanna var ekki nægilega beittur og brekkan er ótrúlega brött hjá liðinu núna. Sex stig eru í öruggt sæti og einungis sex umferðir eru eftir.
Sími umferðarinnar: Máni Pétursson missti af því þegar hans maður Ólafur Karl Finsen opnaði markareikning sinn í sumar. Máni var upptekinn í símanum þegar markið kom.
@Manipeturs missti af markinu hans Óla Kalla. Einsog 16 ára unglingur, nær ekki að slíta trýninu frá símanum. pic.twitter.com/Msgu0HUJTQ
— Magnus Thorir (@MagnusThorir) August 21, 2017
Gjöf umferðarinnar: Srdjan Tufegdzic, þjálfari KA, þakkaði stuðningsmönnum KA sérstaklega eftir sigurinn í Víkinni. Schiötararnir hafa fylgt KA mönnum vel í útileiki í sumar. „Ég verð líka að segja að þessi sigur var fyrir stuðningsmenn okkar. Þeir eru að fylgja okkur trekk í trekk í allt sumar og ég er gríðarlega ánægður með það og þessi sigur er bara gjöf frá mér og mínum strákum fyrir okkar stuðningsmenn Schiöthara," sagði Túfa.
Húfur umferðarinnar: Ólafur Jóhannesson var bæði með húfu og derhúfu í leiknum gegn Grindavík.
Óli Jó var með húfu og derhúfu á bekknum í kvöld! pic.twitter.com/wq53J6yLu1
— Fótbolti.net (@Fotboltinet) August 21, 2017
Dómari umferðarinnar: Gunnar Jarl Jónsson átti flotta frammistöðu í leik Vals og Grindavíkur. Jarlinn þurfti smá aðhlynningu í síðari hálfleik vegna meiðsla á læri en hann kláraði síðan leikinn og gerði það vel.
Nokkrir sem brosa breitt eftir vikuna:
- Einar Karl Ingvarsson svaraði kalli Ólafs Jóhannessonar sem óskaði eftir fleiri mörkum frá honum. Einar skoraði tvö góð mörk gegn Grindavík í gær.
- Eyjamenn unnu gríðarlega mikilvægan sigur á ÍA. Skagamenn eru í mjög vondum málum eftir tapið á meðan Eyjamenn halda áfram lífróðri sínum í deildinni.
- Bakverðir Stjörnunnar fóru á kostum gegn Fjölni. Jósef Kristinn Jósefsson lagði upp tvö og Jóhann Laxdal fiskaði víti og skoraði.
- Markverðir sigurliðanna í umferðinni skiluðu fínu starfi. Fimm hrein lök í leikjunum fimm.
Nokkrir sem geta verið ansi pirraðir eftir vikuna:
- Fjölnismenn litu illa út gegn Stjörnunni. Grafarvogsliðið þarf að gera betur ef fall á ekki að vera niðurstaðan.
- Þórður Ingason hefur verið frábær í sumar en hann gerði sig sekan um klaufaleg mistök í öðru marki Stjörnunnar.
- Andri Rúnar Bjarnason fór illa með tvö færi gegn Val og er ennþá í fjórtán mörkunum. Leikjunum fækkar til að ná markametinu. Andri var mjög líflegur í leiknum en er eflaust svekktur með að hafa ekki náð fimmtánda markinu í sumar.
#fotboltinet að lokum
Getur Stj4rn4n ekki spilað við Fjölni í hverri umferð? #fotboltinet
— Birgir Bjarnason (@birgir90) August 21, 2017
Ef Fjölnir ætlar að halda sér í pepsi þá þurfa þeir að fara spila fótbolta, þetta kick and run dæmi er ekki að virka #fotboltinet
— Aðalsteinn Örn (@AdalsteinnOrn) August 21, 2017
Ef Fjölnir ætlar að halda sér í pepsi þá þurfa þeir að fara spila fótbolta, þetta kick and run dæmi er ekki að virka #fotboltinet
— Aðalsteinn Örn (@AdalsteinnOrn) August 21, 2017
Þessi bluetooth hátalari sem Grindjánar eru með í stúkunni er með því kjánalegra sem ég hef upplifað á vellinum lengi #fotboltinet
— Ómar Ingi (@OmarIngiGud) August 21, 2017
Sturluð staðreynd ÍBV hafa aðeins tapað einum leik frá því að Bretarnir komu til þeirra Tveir geggjaðir á öðrum kaliber #fotboltinet
— orri rafn (@OrriRafn) August 20, 2017
Ahh! Það er svo miklu þægilegra að ferðast heim með þrjá risa punkta í vasanum! #fotboltinet #LifiFyrirKA @Schiotharar
— Sindri Már Stef (@sindrimarstef) August 20, 2017
Ljótasta mark ÍBV sumar staðreynd en mér er skítsama! ÍA 0 - IBV 1 #fotboltinet
— Kjartan Vído (@VidoKjartan) August 20, 2017