Vladimir Tufegdzic fær að líta rauða spjaldið á móti KA
Vladimir Tufegdzic, Milos Ozegovic og Arnþór Ingi Kristinsson verða allir í leikbanni í næsta leik Víkinga gegn Fjölni í Pepsi deildinni á sunnudag.
Arnþór og Milos eru báðir komnir með sjö gul spjöld og voru dæmdir í bann þegar aga- og úrskurðarnefnd KSÍ kom saman nú síðdegis. Túfa fékk umdeilt rautt spjald í síðasta leik gegn KA og fékk hann einnig eins leiks bann.
Þá voru Ólafsvíkingarnir, Kwame Quee og Gunnlaugur Hlynur Birgisson, einnig dæmir í leikbann. Quee fékk tveggja leikja bann eftir rauða spjald sitt gegn ÍBV og hefur hann þegar tekið út einn leik. Gunnlaugur fékk eins leiks bann fyrir fjórar áminningar og verða þeir félagar því í banni þegar Víkingur Ó. mætir KA á sunnudag.
Þá verður Gísli Eyjólfsson ekki með Blikum um helgina þegar Breiðablik tekur á móti botnliði Skagamanna en hann fékk eins leiks bann. Sam Hewson er kominn með sjö áminningar og hann verður ekki með Grindavík þegar þeir taka á móti KR á sunnudag.
Arnþór og Milos eru báðir komnir með sjö gul spjöld og voru dæmdir í bann þegar aga- og úrskurðarnefnd KSÍ kom saman nú síðdegis. Túfa fékk umdeilt rautt spjald í síðasta leik gegn KA og fékk hann einnig eins leiks bann.
Þá voru Ólafsvíkingarnir, Kwame Quee og Gunnlaugur Hlynur Birgisson, einnig dæmir í leikbann. Quee fékk tveggja leikja bann eftir rauða spjald sitt gegn ÍBV og hefur hann þegar tekið út einn leik. Gunnlaugur fékk eins leiks bann fyrir fjórar áminningar og verða þeir félagar því í banni þegar Víkingur Ó. mætir KA á sunnudag.
Þá verður Gísli Eyjólfsson ekki með Blikum um helgina þegar Breiðablik tekur á móti botnliði Skagamanna en hann fékk eins leiks bann. Sam Hewson er kominn með sjö áminningar og hann verður ekki með Grindavík þegar þeir taka á móti KR á sunnudag.
Athugasemdir
