Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 22. september 2014 08:30
Karitas Þórarinsdóttir
Telma Hjaltalín er leikmaður 16. umferðarinnar
Telma Hjaltalín og Saga Huld í baráttu.
Telma Hjaltalín og Saga Huld í baráttu.
Mynd: Fótbolti.net - Hafliði Breiðfjörð
Telma og Glódís.
Telma og Glódís.
Mynd: Fótbolti.net - Hafliði Breiðfjörð
Telma Hjaltalín og Þórhildur Ólafsdóttir.
Telma Hjaltalín og Þórhildur Ólafsdóttir.
Mynd: Fótbolti.net - Hafliði Breiðfjörð
Telma Hjaltalín Þrastardóttir er leikmaður 16. umferðarinnar en hún átti stórgóðan leik með Breiðabliki gegn Aftureldingu og gerði sér lítið fyrir og skoraði þrjú mörk á 8 mínútum. Leikurinn endaði með 3-4 sigri Breiðabliks en þess má geta að Helen Lynske leikmaður Aftureldingar skoraði líka þrennu í þessum leik.

Hvernig finnst þér spilamennskan þín búin að vera á þessu tímabili?
Sumir leikir hafa verið betri en aðrir en yfir heildina er ég bara þokkalega ánægð.

Nú er mjög hæpið að þið náið 1.sætinu af Stjörnunni þegar það eru aðeins tvær umferðir eftir af sumrinu en eruð öruggar í 2.sæti, er sumarið búið að vera ofar væntingum eða vilduð þið fá meira úr því?
Ég held að flest lið setja stefnuna á Íslandsmeistaratitilinn og það var að sjálfsögðu okkar markmið. Því miður er mjög ólíklegt að það gangi upp en við tökum bara þessa reynslu sem við fengum í sumar og reynum að bæta okkur fyrir næsta tímabil.

Voru það vonbrigði fyrir ykkur að komast ekki í bikarúrslitaleikinn?
Já, það var virkilega svekkjandi. Það hefði verið gaman að fá að spila á Laugardalsvellinum og reyna að verja titilinn.

Hvernig var að spila á gamla heimavellinum og gegn þínum gömlu félögum?
Þessi völlur hefur lengi verið í miklu uppáhaldi hjá mér þannig það er alltaf jafn gaman að fara niður í Mosó og spila þar.

Hvað fannst þér um leikinn gegn Aftureldingu?
Hann var allt í lagi. Við vorum góðar í fyrri hálfleik en svo fannst mér við detta aðeins niður í seinni og gefa þeim of mikinn tíma til að búa til þessi mörk. En þrjú stig eru þrjú stig þannig ég er bara sátt að hafa unnið þennan leik.

Hvernig líst þér á leikinn gegn ÍA?
Bara mjög vel. Búið að vera frekar löng pása núna þannig það er mikill spenningur í hópnum fyrir þennan leik.

Hefur einhver leikmaður/menn eða lið komið þér á óvart í sumar?
Já, það kom mér smá á óvart að Valur sé í 7. sæti. Ég hélt að þær myndu enda aðeins ofar í töflunni.

Hvað tekur við hjá þér þegar tímabilið lýkur?
Ég er ennþá í skóla þannig ég hugsa að ég reyni að einbeita mér að honum en samt sem áður vera líka dugleg að æfa. Það er aldrei að vita nema ég skelli mér kannski á nokkrar handboltaæfingar í vetur.

Fylgist þú með erlendum kvennafótbolta?
Já, ég er með norskar stöðvar í sjónvarpinu þannig ég reyni að fylgjast með efstu deildinni í noregi þegar ég hef tíma.
Athugasemdir
banner
banner
banner
banner