Þóra Björg Helgadóttir, markvörður Fylkis, var jákvæð eftir naumt tap gegn Þór/KA í baráttunni um þriðja sæti deildarinnar.
Það vantaði marga byrjunarliðsmenn í lið Fylkis og því fengu stelpur úr öðrum og þriðja flokki að spreyta sig í þessum mikilvæga leik.
Það vantaði marga byrjunarliðsmenn í lið Fylkis og því fengu stelpur úr öðrum og þriðja flokki að spreyta sig í þessum mikilvæga leik.
,,Þetta var jafn leikur og hefði getað dottið hvoru megin sem er og því miður datt það þeirra megin. Mér fannst við spila ágætlega þrátt fyrir ótrúleg forföll, við höfum náttúrulega gengið í gegnum ótrúlega viku þar sem á hverjum degi datt út nýr leikmaður.
,,Við spiluðum með tvær úr þriðja flokki og ég veit ekki hvað margar úr öðrum flokki þannig að við getum alveg gengið þokkalega stoltar frá þessum leik. Það vantaði svolítið aga og reynslu.
,,Við ætluðum okkur að ná þriðja sætinu og það hefði verið frábær árangur en það lítur illa út núna. Við getum verið sáttar við tímabilið, liðið var að koma upp og í raun og veru búið að ná frábærum úrslitum.
,,Mjög mikilvægt að halda hreinu í næsta leik og taka þrjú stig. Okkur er alveg sama um botnbaráttuna, við hugsum bara um okkur sjálfar."
Athugasemdir
