Heimild: mbl.is
Hjörtur Logi Valgarðsson mun leita á önnur mið þegar samningur hans hjá sænska liðinu Örebro rennur út eftir tímabilið.
Í samtali við mbl.is staðfestir hann að hann sé líklega að snúa heim til Íslands, í Hafnarfjörðinn.
Í samtali við mbl.is staðfestir hann að hann sé líklega að snúa heim til Íslands, í Hafnarfjörðinn.
„Það eru góðar líkur á því að ég komi heim. Ég veit af áhuga FH og fleiri liðum á Íslandi en ég bara það mikill FH-ingur að það yrði erfitt að fara í annað lið," sagði Hjörtur við mbl.
Hjörtur fór út í atvinnumennsku árið 2011 eftir að hafa spilað í nokkur ár með FH í efstu deild.
Það er ljóst að það yrði gríðarlegur liðsstyrkur í Hirti fyrir hvaða lið sem er í Pepsi-deildinni, en hann var einn allra besti leikmaður deildarinnar þegar hann lék hér heima síðast.
Athugasemdir