Heimild: 433
Ólafur hefur náð frábærum árangri með Valsmenn.
Börkur Edvardsson, formaður Valsmanna.
Ólafur Jóhannesson, þjálfari Íslandsmeistara Vals, segir í samtali við 433.is að hann hafi gert þær kröfur að hafa valdið í ýmsum málum áður en hann tók við sem þjálfari Valsmanna.
„Ég var alveg meðvitaður um að ég þyrfti að breyta hlutunum hérna, við sögðum þessum mönnum hvernig við vildum gera hlutina og hvernig þyrfti að gera þá. Við myndum ráða því," segir Ólafur sem gerði Val að bikarmeisturum á tveimur fyrstu árunum áður en sá stærsti kom í hús um síðustu helgi.
„Ég var alveg meðvitaður um að ég þyrfti að breyta hlutunum hérna, við sögðum þessum mönnum hvernig við vildum gera hlutina og hvernig þyrfti að gera þá. Við myndum ráða því," segir Ólafur sem gerði Val að bikarmeisturum á tveimur fyrstu árunum áður en sá stærsti kom í hús um síðustu helgi.
Ólafur hafði átt í deilum við Börk Edvardsson, formann Vals, áður en hann tók við á Hlíðarenda.
„Ég og Börkur höfðum lent í deilum einu sinni út af einhverju sem í raun skipti ekki neinu máli, það gerðist fyrir nokkrum árum. Það andaði köldu á milli okkar, við heilsuðumst alltaf en það var ekki meira en það," segir Ólafur.
„Það er gaman að segja frá því að þegar ég fór á fyrsta fundinn með þeim þá var ég spurður hvort ég gæti starfað með Berki. Ég svaraði því á móti að það snerist ekki um það. Ég sagði að það snerist um hvort Börkur gæti starfað með mér, því að ég ætlaði að ráða hlutunum. Það hefur gengið frábærlega."
Samstarf Ólafs og Barkar hefur gengið ákaflega vel.
„Börkur er frábær gæi. Það eru nokkrir klúbbar sem eiga svona mann eins og Börk, maður sem vinnur mikið í sjálfboðavinnu og er nánast til í að deyja fyrir félagið sitt. Þessir gæjar eru ekkert smá mikilvægir. Ég hef verið með Jóni Rúnari [Halldórssyni, formanni knattspyrnudeildar FH] líka og ég get alveg sagt að Börkur er ekki síðri. Börkur sækir ekki jafn mikið í athyglina eins og Jónsi."
„Ég hef þjálfað síðan 1979 og hef oft lent í mótlæti, það hafa allir sem hafa tekið svona starf að sér lent í mótlæti. Ég læri af því, ég hef aldrei efast um mína kunnáttu. Það hef ég aldrei gert," segir Ólafur Jóhannesson.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
