Árni skoraði tíu mörk í Pepsi í sumar.
Árni Vilhjálmsson, framherji Breiðabliks, mun í næstu viku fara til norska félagsins Viking á reynslu. Þetta staðfesti Magnús Agnar Magnússon umboðsmaður hjá Total Football í samtali við Fótbolta.net í dag.
Árni er þessa dagana á reynslu hjá Lilleström en hann mun á sunnudaginn fara til Viking.
Árni er þessa dagana á reynslu hjá Lilleström en hann mun á sunnudaginn fara til Viking.
Hinn tvítugi Árni skoraði tíu mörk í Pepsi-deildinni í sumar og var markahæstur í liði Breiðabliks.
Þá var hann einnig í U21 árs landsliðshópnum.
Viking er í 10. sæti í norsku úrvalsdeildinni en Björn Daníel Sverrisson, Indriði Sigurðsson, Jón Daði Böðvarsson, Steinþór Freyr Þorsteinsson og Sverrir Ingi Ingason spila allir með liðinu.
Athugasemdir
