Líkt og venjulega á góðum laugardögum þá er stútfullur dagur framundan í ensku úrvalsdeildinni. Það verða átta leikir spilaðir í níundu umferð deildarinnar, ekkert annað en veisla það.

Við hvetjum lesendur til þess að taka daginn snemma og fylgjast með leik Bournemouth og Tottenham klukkan 11:30. Leikurinn er sá fyrsti í dag, en Tottenham getur komist tímabundið á topp deildarinnar, vinni þeir leikinn gegn Bournemouth.

Af ofannefndum leik taka aðrir sex leikir við og þar eru Íslendingarnir tveir í eldlínunni. Jóhann Berg Guðmundsson og hans liðsfélgar í Burnley eiga erfiðan útileik gegn Everton og þá mætir Swansea með Gylfa Þór Sigurðsson innanborðs liði Watford.

Á sama tíma og Íslendingarnir spilar þá getur Arsenal náð toppsætinu aftur í sínar hendur ef Tottenham tekur það með sigri á Middlesbrough fyrr um daginn. Englandmeistarar Leicester City og Crystal Palace mætast einnig klukkan 14:00.

Deginum verður svo lokað á Anfield þar sem heimamenn í Liverpool taka á móti West Brom. Ef allt fer á þeirra veg þá getur Liverpool verið í toppsætinu þegar lokaflautið gellur.