lau 22. október 2016 19:00
Ívan Guðjón Baldursson
Klopp: Það hefði verið brandari að gera jafntefli
Mynd: Getty Images
Jürgen Klopp er ánægður með sigur Liverpool gegn West Brom sem kemur liðinu upp að hlið Arsenal á toppi ensku Úrvalsdeildarinnar.

West Brom minnkaði muninn á 81. mínútu og segir Klopp að það hefði verið algjör brandari að fá jöfnunarmark á sig miðað við gang leiksins.

„Ég er mjög ánægður með frammistöðu liðsins. Það er erfitt að spila við West Brom útaf háu boltunum og svo eru þeir hættulegir í föstum leikatriðum," sagði Klopp.

„Það hefði verið brandari að gera jafntefli, við spiluðum ótrúlega vel. Þetta var mjög góð frammistaða gegn skipulögðu liði. Við hleyptum þeim aldrei inn í leikinn.

„Þeir eru svo góðir í hornspyrnum. Mér leið eins og þeir væru með 15 menn í vítateignum."

Athugasemdir
banner
banner