Það er gott að hafa Kára Árnason í sínu liði
Þeir sem fylgjast með íslenska landsliðinu í fótbolta þekkja það hversu mikilvægur varnarmaðurinn Kári Árnason er og fólkið í Rotherham hlýtur að sakna þess að hafa landsliðsmanninn trausta í vörninni hjá sér um þessi misseri.
Það hefur lítið gengið hjá Rotherham United síðan Kári ákvað að róa á önnur mið. Hann fór til Malmö í Svíþjóð sumarið 2015, en þá var hinn litríki Steve Evans við stjórnvölin.
Það hefur lítið gengið hjá Rotherham United síðan Kári ákvað að róa á önnur mið. Hann fór til Malmö í Svíþjóð sumarið 2015, en þá var hinn litríki Steve Evans við stjórnvölin.
Kári hefur oft og mörgum sinnum talað um það í viðtölum að það var oft ekki mikið vit í því sem Steve Evans var að gera. „Hann er sérstakur," sagði Kári um Evans við Fótbolta.net á sínum tíma.
Eftir að Kári fór frá Rotherham hefur allt gengið á afturfótunum þar og félagið hefur farið í gegnum hvern knattspyrnustjóranna á fætur öðrum.
Það eru bara liðnir 18 mánuðir síðan að Kári fór frá Rotherham, en félagið er nú á sínum fimmta knattspyrnustjóra síðan íslenski landsliðsmaðurinn hvarf á braut.
Steve Evans entist bara í tvo mánuði eftir brottför Kára, en síðan hefur félagið rekið þrjá stjóra til viðbótar, þá Neil Redfearn, Neil Warnock og Alan Stubbs.
Alan Stubbs missti starfið sitt á dögunum eftir afleidda byrjun, en Rotherham hefur nú fundið eftirmann hans. Sá heitir Kenny Jackett, en hann fær það verðuga verkefni að bjarga liðinu frá falli úr Championship-deildinni.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
