Það var mikið fjör þegar Espanyol sótti Eibar heim í fyrsta leik dagsins í spænsku úrvalsdeildinni í dag. Níunda umferðin byrjaði að rúlla í gær og hún heldur áfram að rúlla í dag með fjórum leikjum.

Gestirnir frá Eibar byrjuðu miklu betur og svo virtist sem þeir væru búnir að klára leikinn þegar dómarinn flautaði til hálfleiks. Staðan var 3-0 fyrir Eibar, en rétt fyrir hálfleik bætti Kike við þriðja markinu og virtist nánast tryggja sigurinn fyrir gestina.

Espanyol gafst þó ekki upp og um miðjan seinni hálfleikinn minnkaði Hernan Perez muninn. Argentínumaðurinn Pablo Piatti kom Espanyol svo aftur almennilega inn í leikinn á 73. mínútu og heimamenn allt í einu komnir í alvöru séns á að fá eitthvað út úr þessum leik.

Sú von veiktist hins vegar þegar varamaðurinn Felipe Caicedo, leikmaður Espanyol, lét reka sig af velli, en eins og áður kom fram þá gafst Espanyol ekki upp. Tíu leikmenn liðsins náðu að jafna þegar komið var fram í uppbótartíma og ótrúleg endurkoma hjá heimamönnum.

Lokatölur 3-3 RCDE-vellinum, heimavelli Espanyol, í ótrúlegum fyrsta leik dagsins í spænska boltanum. Espanyol er núna í 16. sæti með átta stig á meðan Eibar er í efri hlutanum með 12 stig.

Hér að neðan má sjá stöðutöfluna í heild sinni, en það gæti tekið smá tíma fyrir hana að uppfæra sig.