Stærstu fréttirnar úr þeim fimm leikjum sem var nú að ljúka í þýsku Bundesligunni eru þær að Borussia Dortmund gerði jafntefli gegn Ingolfstadt í markaleik. Dortmund sýndi magnaðan karakter og kom til baka úr stöðu sem virtist vonlaus.

Ingolfstadt voru heimavelli og þeir byrjuðu leikinn af miklum krafti og komust strax yfir eftir sex mínútur. Dario Lezcano bætti svo við tveimur mörkum og staðan orðin 3-0 fyrir heimamenn, en það átti eftir að breytast.

Dortmund sýndi eins og áður segir gríðarlega mikinn karakter og náðu að koma til baka og jafna leikinn. Markamaskínan Pierre Emerick Aubameyang skoraði fyrst og svo fylgdi Adrian Ramos á eftir með öðru marki. Hinn efnilegi Christian Pulisic jafnaði svo þegar komið var fram í uppbótartíma og lokatölur 3-3 í þessum ótrúlega leik.

Bæði Bayer Leverkusen og Wolfsburg töpuðu sínum leikjum, en það hefur lítið gengið hjá þessum liðum á þessu leiktímabili.

Þá var Alfreð Finnbogason fjarverandi vegna meiðsla þegar Augsburg tapaði á útivelli gegn Freiburg og að lokum ber að nefna það að Hertha er komið upp í annað sæti deildarinnar eftir sigur á Köln.

Hér að neðan geturðu séð öll úrslitin og markaskorara og þá stöðutaflan í deildinni neðst í fréttinni, en það gæti tekið smá tíma fyrir hana að uppfæra sig.