Neymar virðist ekki vera að eignast marga nýja vini í París.
Eins og frægt er orðið eru hann og Edinson Cavani engir vinir en samkvæmt franska blaðinu L'Equipe er Neymar núna reiður út í knattspyrnustjórann Unai Emery.
Eins og frægt er orðið eru hann og Edinson Cavani engir vinir en samkvæmt franska blaðinu L'Equipe er Neymar núna reiður út í knattspyrnustjórann Unai Emery.
Neymar ku ekki vera sáttur með síðustu æfingu hjá Spánverjanum. Á æfingunni ákvað Emery að skipta hópnum í tvennt og gefa þeim sem spiluðu í Meistaradeildinni hvíld, hann leyfði þeim að fara snemma.
Neymar vildi halda áfram að æfa og hann krafðist þess að leikmennirnir myndu ekki fara neitt.
Emery stóð á sínu og Neymar varð mjög reiður. Á leiðinni af æfingasvæðinu kastaði hann bolta í vegg.
Þetta er ekki í fyrsta sinn sem Neymar lendir í rifrildi á æfingu. Áður en hann yfirgaf Barcelona kom honum saman við Nelson Semedo, sem var þá nýkominn til Börsunga.
Athugasemdir