Sky Sports greinir frá því að Slaven Bilic, knattspyrnustjóri West Ham, fær tvo leiki til að bjarga starfi sínu.
Gengi Hamranna á tímabilinu hefur verið afleitt og er liðið ekki með nema átta stig eftir níu umferðir. Félagið fékk nýliða Brighton í heimsókn á föstudaginn og tapaði 3-0.
Gengi Hamranna á tímabilinu hefur verið afleitt og er liðið ekki með nema átta stig eftir níu umferðir. Félagið fékk nýliða Brighton í heimsókn á föstudaginn og tapaði 3-0.
Stjórnendur félagsins hafa verið að funda og komust, samkvæmt Sky, að þeirri niðurstöðu að Bilic fær tvo leiki, sem eru nágrannaslagir á útivelli gegn Tottenham og Crystal Palace, til að bjarga sætinu sínu.
Hamrarnir enduðu í 11. sæti á síðasta tímabili, en tímabilið fyrir það tókst Bilic að koma félaginu í undankeppni Evrópudeildarinnar, þar sem það var óvænt slegið út af rúmenska félaginu Astra Giurgiu.
Athugasemdir