lau 22. nóvember 2014 08:00
Brynjar Ingi Erluson
Enska úrvalsdeildin heillar Klopp
Mynd: Getty Images
Jurgen Klopp, þjálfari Borussia Dortmund í Þýskalandi, segist hafa áhuga á því að þjálfa í ensku úrvalsdeildinni í framtíðinni.

Þessi 47 ára gamli þjálfari er einn sá besti í bransanum en hann hefur unnið þýsku deildina tvisvar með Dortmund auk þess sem hann kom liðinu í úrslitaleik Meistaradeildar Evrópu á síðasta ári.

Hann hefur verið orðaður við ensku úrvalsdeildina síðustu ár en hann hefur áhuga á því að þjálfa þar í framtíðinni.

,,Ég held að England sé eina landið sem ég ætti að starfa í fyrir utan Þýskaland. Það er eina landið þar sem ég þekki tungumálið og það er það sem skiptir mestu í vinnunni," sagði Klopp.
Athugasemdir
banner
banner
banner