Gunnlaugur Guðjónsson mun áfram þjálfa Hött í 2. deildinni næsta sumar. Gunnlaugur þjálfaði Hött frá 2005 til 2006 og fór með liðið upp í 2.deild. Hann tók sér þá frí frá þjálfun meistaraflokks en verið meðal annars í stjórn og þjálfað yngri flokka síðan.
Hann tók svo aftur við liðinu í sumar eftir að Gjoko Ilijovski sagði upp störfum af persónulegum ástæðum.
Undir stjórn Gunnlaugs sigraði Höttur alla níu leikina sem eftir voru af mótinu og enduðu sem 3. deildarmeistarar.
Af leikmannamálum er það að frétta að reynt verður að semja við heimamenn til að snúa aftur til félagsins, og hugsanlega heyra í mönnum með taka upp skóna sem eru á svæðinu.
Allir leikmenn verða áfram fyrir utan að ekki er vitað með lánsmennina tvo Aron Gauta Magnússon sem var í láni frá Fjarðabyggð og Jovan Kujundzic frá Víkingi.
Athugasemdir