Gylfi var í gær valinn leikmaður mánaðarins hjá Swansea en hann hefur spilað frábærlega með liðinu á keppnistímabilinu. Margir sparkspekingar á Englandi hafa í kjölfarið keppst við að hæla íslenska landsliðsimanninum.

Keown skrifaði að Gary Monk, stjóri Swansea, hafi sýnt gífurleg klókindi með því að fá Gylfa aftur til félagsins enda hafi hann blómstrað þar þegar hann spilaði sem lánsmaður hjá félaginu fyrir tveimur árum síðan..

,,Gylfi hefur verið frábær á tímabilinu. Hann er einn vanmetnasti leikmaður deildarinnar,” skrifaði Keown og bætti við:

,,Það voru mistök hjá Tottenham að láta hann fara og það er ekki á færi margra að taka jafn nákvæma aukaspyrnu og hann gerði gegn Arsenal."