Mikil dramatík átti sér stað í leik Arsenal og Manchester United í kvöld en Jack Wilshere og Marouane Fellaini áttust við á miðsvæðinu.
Það er mikill hiti í leikjum þessara liða en þráðurinn hjá þessum leikmönnum er ansi stuttur.
Fellaini var þó töluvert rólegri en Wilshere í kvöld en enski landsliðsmaðurinn var brjálaður á honum eftir um það bil hálftíma leik.
Wilshere skallaði þá Fellaini en hæðarmunurinn er þó mikill á leikmönnunum og fékk því hakan á Fellaini að finna aðeins fyrir því. Fellaini var eðlilega brugðið og áttaði sig ekki alveg á því sem var að gerast.
Athugasemdir