Chelsea átti ekki í miklum vandræðum með Qarabag en Conte stillti engu að síður upp mjög sterku byrjunarliði.

„Fólk verður að fá að heyra kvartanirnar okkar, þið verðið að hjálpa okkur. Fjölmiðlar verða að leggja áherslu á hversu skrýtið þetta ástand er."

„Eins og þið vitið vel er enska deildin mjög erfið. Það eru sex topplið að berjast um titilinn."

„Ég vil ekki kvarta en nú þurfum við að ferðast í rúmlega fimm klukkutíma og fá einn dag í hvíld og svo einn dag til að undirbúa okkur fyrir leik gegn Liverpool. Þetta er í annað skiptið á innan við mánuði sem við lendum í þessari aðstöðu fyrir risastóran deildarleik, það er ekki í lagi," segir Conte.

Þar vísar hann til þess þegar Chelsea mætti Man City á laugardegi eftir að hafa leikið útileik gegn Atletico Madrid í Meistaradeildinni á miðvikudegi.