Athafnamaðurinn Friðgeir Bergsteinsson afhenti sigurlaunin en Hjörvar Hafliðason og Ágúst Þór Ágústsson fóru með sigur af hólmi.
Frank Lampard.
Jurgen Klopp.
Graham Poll.
Manuel Neuer.
Andre Villas-Boas.
Kristinn Steindórsson.
Arsene Wenger.
Argentínumenn voru ekkert að raða inn mörkum á HM.
Síðastliðið fimmtudagskvöld fór fram Jóla Pub Quiz á Ölveri sem Fótbolti.net hélt í samstarfi við Carlsberg.
Tómas Þór Þórðarson var spyrill og höfundur spurninga en Ágúst Þór Ágústsson og Hjörvar Hafliðason unnu keppnina með 48 stigum af 53 mögulegum.
Hér að neðan má sjá spurningarnar 30 úr keppninni og er hægt að spreyta sig til gamans en eftir helgi. Við setjum allar myndaspurningar neðst í fréttina.
Svörin munu koma inn á síðuna á morgun.
Tómas Þór Þórðarson var spyrill og höfundur spurninga en Ágúst Þór Ágústsson og Hjörvar Hafliðason unnu keppnina með 48 stigum af 53 mögulegum.
Hér að neðan má sjá spurningarnar 30 úr keppninni og er hægt að spreyta sig til gamans en eftir helgi. Við setjum allar myndaspurningar neðst í fréttina.
Svörin munu koma inn á síðuna á morgun.
1. Hvaða lið vann Bose-bikarinn á dögunum?
2. Frank Lampard gefur ekkert eftir þrátt fyrir að vera orðinn 36 ára gamall, en hann gerir enn góða hluti í úrvalsdeildinni með Manchester City. Hann er búinn að skora fjögur mörk í ellefu úrvalsdeildarleikjum á tímabilinu og varð um daginn þriðji markahæsti leikmaður úrvalsdeildarinnar frá upphafi þegar hann skoraði sitt 176. mark í deild þeirra bestu. Fyrsta mark Lampards á Englandi var þó ekki í úrvalsdeildinni. Fyrir hvaða lið skoraði Lampard sitt fyrsta mark í ensku deildakeppninni? (1 stig)
3. Það virðist sem svo að biðin á milli markvarða sem geta eitthvað hjá Manchester United ætli ekki að vera jafn löng og þegar Peter Schmeichel hætti. David De Gea hefur sýnt í undanförnum leikjum að hann er kannski ekki svo galinn. Daninn með rauða nefið þakkaði fyrir sig hjá United eftir að lyfta Meistaradeildarbikarnum árið 1999, og þar til Edvin Van der Sar mætti til leiks árið 2005 fengu allskonar fuglar að spreyta í rammanum hjá United; ungir sem aldnir. En spurt er: Hvert fór Peter Schmeichel frá Manchester United? (1 stig)
4. Einn allra flottasti sigur Guðjóns Þórsðarsonar sem þjálfari félagslið var auðvitað þegar hann stýrði Stoke til sigurs í Football League Trophy á gamla Wembley árið 2000. Þessi keppni verður að eilífu kölluð Framrúðubikarinn á Íslandi. Á þessum árum var Stoke í eigu Íslendinga og fór haugur af íslenskum landsliðsmönnum í gegnum liðið á þessum tíma. Þrír voru í byrjunarliðinu í úrslitum Framrúðubikarsins, hverjir voru það? (3 stig)
5. Gary Martin varð markakóngur Pepsi-deildarinnar í sumar.. Hann er fyrsti Englendingurinn sem verður markakóngur í efstu deild á Íslandi og aðeins þriðji erlendi leikmaðurinn sem endar sem markahæsti leikmaður úrvalsdeildar. Hverjir eru hinir tveir erlendu leikmennirnir sem hafa orðið markakóngar í efstu deild á Íslandi? (2 stig)
6. MYNDASPURNINGAR NEÐST
7. Það eru fáir menn í Evrópuboltanum í dag meira töff en Jürgen Norbert Klopp, þjálfari Dortmund. Hann er svo svalur og mikils virtur að menn hafa ekki einu sinni áhyggjur af því að hann situr í fallsæti með lang næstbesta lið Þýskalands þegar deildin er að verða hálfnuð. Á meðan búið væri að reka flesta þjálfara er hann orðaður við störfin hjá Arsenal og Liverpool. Klopparinn hóf þjálfaraferilinn hjá FSV Mainz þar sem hann er í guðatölu eftir að spila með liðinu allan sinn tólf ára feril sem landsliðsmaður og þjálfa liðið í sjö ár til viðbótar eftir að hann lagði skóna á hilluna. Hann fór upp og niður og aftur upp um deild með Mainz og kom liðinu í Evrópukeppni þar sem hann gerðist síðan Íslandsvinur. Klopp stýrði Mainz til sigurs á íslensku liði í Evrópukeppni félagsliða, UEFA Cup, árið 2005. Hvaða íslenska lið vann Klopp með Mainz? (1 stig)
8. MYNDASPURNINGAR NEÐST
9. Graham Poll, fyrrverandi úrvalsdeildar- og milliríkjadómari, er duglegur að gagnrýna kollega sína í ensku úrvalsdeildinni í pistlum í ensku blöðunum. Það er alltaf jafn stórkostlega fyndið því allavega myndi ég ekki taka því illa ef maður sem gaf einum og sama leikmanninum þrjú gul spjöld í leik á HM! væri að urða yfir mig. Poll afrekaði þennan einstaka hlut á HM 2006 í Þýskalandi. En hvaða Íslandsvini og þjóðernissinna gaf Poll þessi þrjú gulu spjöld? (1 stig)
10. Hver er ég? Ég fæddist í Júgóslavíu það herrans ár 1974 og varð snemma mjög góður í fótbolta. Ég kom upp í gegnum unglingastarf Hadjuk Split en fékk aldrei tækifæri til að spila með liðinu. Sögusagnir segja að ég hafi greinst með óreglulegan hjartslátt árið 1991 og þess vegna var ég látinn fara. Aldrei á mínum ferli átti það samt eftir að trufla mig. Ég spilaði eitt ár með öðru liði í heimalandinu áður en ég fór til Frakklands og spilaði þar með neðri deildar liði 1993-1996. Árið eftir það var ég eiginlega alveg búinn að gefast upp á fótboltanum og samdi við enn slakara lið og vann sem bifvélavirki samhliða því að spila fótbolta. Liðið mitt mætti stóru úrvalsdeildarliði í bikarleik þetta tímabil sem þjálfað var af franskri goðsögn sem síðar átti eftir að þjálfa í ensku úrvalsdeildinni. Hann heillaðist af mér og fékk mig til stórliðsins þar sem ég varð franskur meistari. Árið 2003 varð ég þriðji maðurinn til að skora fernu í einum og sama leiknum í Meistaradeildinni og árið eftir það fór ég með mínu liði næstum alla leið í meistaradeildinni. Þrítugur að aldri fór ég til Skotlands þar sem ég spilaði í þrjú ár áður en ég hætti. Ég fékk ekki tækifæri með landsliðinu fyrr en ég var orðinn 29 og spilaði með því í þrjú ár. Hver er ég? (1 stig)
11. MYNDASPURNINGAR NEÐST
12. Þrátt fyrir að ensk lið hafi spilað til úrslita í Meistaradeildinni sjö sinnum hafa þannig séð ekkert margir Bretar verið í byrjunarliði í úrslitaleik þessarar stærstu keppni álfunnar. Ensku liðin eru nefnilega oftast stútfull af aðkomumönnum. Enn færri Bretar hafa verið í sigurliði enskra liða í Meistaradeildinni af sömu ástæðu. Í gegnum tíðina hefur Bretum gengið betur í þau sárafáu skipti sem þeir hafa spilað með liðum utan Englands í úrslitaleikjum Meistaradeildarinnar. Fjórir Bretar hafa fagnað sigri í Meistaradeildinni með liðum utan Bretlands. Hvaða menn eru það? (4 stig)
13. Það þykir fátt flottara en að vinna þrennuna í Evrópufótboltanum, þ.e.a.s deild, bikar og Meistaradeild. Það gerist nú ekki oft en hefur komið fyrir í nokkrum löndum á undanförnum tveimur áratugum eða svo. Einn leikmaður, sem spilar í ensku úrvalsdeildinni í dag, afrekaði að vinna þrennuna með liði í einu landi og endurtaka svo leikinn í öðru landi. Hann er sá eini í sögunni sem hefur verið hluti af þrennuliði tvö tímabil í röð. Hver er maðurinn? (1 stig)
14. Lionel Messi, Cristiano Ronaldo og Manuel Neuer berjast um nafnbótina besti leikmaður heims þetta árið, en einn þeirra mun fá Gullboltann á galakvöldi í Sviss í byrjun nýs árs. Síðan FIFA byrjaði að verðlauna besta leikmann heims árið 1991 hefur aðeins einn markvörður komist á lista yfir þá þrjá bestu, en hann vann auðvitað ekki. Hver var það og hvaða ár? (2 stig)
15. MYNDASPURNINGAR NEÐST
16. MYNDBANDSSPURNING NEÐST
17. MYNDASPURNINGAR NEÐST
18. Við vitum í raun ekki enn hvort portúgalski knattspyrnuþjálfarinn André Villas-Boas sé mesta ofmat síðari ára, hvort hann höndlaði bara ekki úrvalsdeildina eða var alltaf réttur maður á röngum tíma. Hann hóf þjálfaraferilinn 21 árs gamall hjá landsliði bresku jómfrúareyjanna og fékk ævintýralegt tækifæri hjá Porto aðeins 33 ára gamall 2010. Eftir að vinna þrjá titla með Porto var hann keyptur til Chelsea fyrir 25 milljónir punda, ein dýrasta þjálfararáðning sögunnar, en var rekinn. Hann var svo rekinn frá Tottenham árið eftir. Menn með svona ferilskrá fá samt auðvitað vinnu. Þannig ég spyr: Hvaða lið þjálfar André Villas-Boas í dag? (1 stig)
19. Marco Materazzi, ítalski miðvörðurinn, var eins og margir Ítalar, seinn til að blómstra. Hann var 28 ára gamall þegar hann samdi við Inter þar sem hann spilaði svo í tíu ár við góðan orðstír; varð fimmfaldur Ítalíumeistari og vann Meistaradeildina undir stjórn José Mourinho árið 2010. Materazzi kom til Inter frá Perugia þar sem hann spilaði einnig árin 1995-1998. En á milli dvalanna hjá Perugia spilaði hann eina leiktíð í ensku úrvalsdeildinni. Með hvaða liði? (1 stig)
20. MYNDASPURNINGAR NEÐST
21. Kristinn Steindórsson hefur nýtt og skemmtilegt ævintýri á næsta ári þegar hann verður þriðji Íslendingurinn sem tekur þátt í MLS-deildinni í fótbolta. Erkifjendur The Crew, eins og liðið er kallað, eru Toronto FC og FC Dallas auk eins annars lið sem kemur frá Chicago. Það lið heitir það sama og vinsæll sjónvarpsþáttur á RÚV. Hvert “eftirnafn”, ef svo má að að orði komast, Chicago-liðsins í MLS-deildinni? (1) stig
22. MYNDASPURNINGAR NEÐST
23. Arsene Wenger hefur afrekað ýmislegt á sínum ferli. Hann stýrði Monaco til deildar- og bikarmeistaratitils, varð meistari meistaranna og bikarmeistari í japan og hefur unnið úrvalsdeildina þrisvar sinnum og enska bikarinn fimm sinnum með Arsenal. Honum hefur þó aldrei tekist að vinna Evrópukeppni, en hann er eini þjálfarinn sem hefur tekist að tapa úrslitaleik Meistaradeildarinnar, UEFA bikarsins og evrópukeppni bikarhafa. Tveir úrslitaleikirnir voru með Arsenal og annar með Monaco, en á móti hvaða liðum tapaði hann þessum leikjum? (3 stig)
24. Úrslitaleikur Meistaradeildarinnar á næsta ári fer fram í Berlín eins og flestir vita. Árið eftir það fer úrslitaleikurinn fram á einum af stærstu og flottustu völlum Evrópu sem var notaður síðast í úrslitum Meistaradeildarinnar árið 2001. Hvar fer úrslitaleikurinn fram 2016? (1 stig)
25. MYNDASPURNINGAR NEÐST
26. Íslenska landsliðið í fótbolta var ekki langt frá því að komast á EM 2000 - eða þannig - undir stjórn Guðjóns Þórðarsonar. Ísland fékk 15 stig í riðlinum, þar af eitt gott stig á útivelli gegn Úkraínu sem fylgdi í kjölfarið á útisigri gegn Andorra. Lárus Orri Sigurðsson skoraði mark Íslands en í leiknum léku bræður fyrir Íslands hönd. Hvaða menn voru það? Eitt stig.
27. Argentína var ekki langt frá því að vinna HM í Brasilíu í sumar. Það verður seint sagt að liðið hafi spilað jafn leiftrandi bolta og oft áður, en það einbeitti sér meira að varnarleiknum. Lionel Messi var kjörinn besti leikmaður mótsins án þess að skora mark í útsláttarkeppninni, en hvað skoraði argentínska landsliðið mörg mörk í útsláttarkeppninni. Við erum að tala um leikina fjórða í 16 liða, 8 liða, undanúrslitum og úrslitaleiknum? (1 stig)
28. Hér sjáum við líklegt byrjunarlið Southampton sem Guardian stillti upp fyrir leik liðsins gegn Burnley í ensku úrvalsdeildinni um síðustu helgi. Dýrlingarnir fóru ævintýralega vel af stað en geta nú ekki keypt sér sigur. Ronald Koeman hefur engu að síður gert vel í byrjun árs úr hópi sem enginn bjóst við neinu af. Reynslan er ekki mikil í liðinu, en í þessu byrjunarliði er einn leikmaður sem hefur verið í byrjunarliði í úrslitaleik Meistaradeildarinnar. Hver er það? (1 stig)
29. Flóttinn mikli frá Fram eftir að Pepsi-deildinni lauk hefur verið ævintýralegt bíó, en liðið er búið að missa 13 leikmenn, einn farið í verkfall og þjálfarinn sem ætlaði að byggja upp lið frá grunni er farinn. Síðast þegar Fram féll, árið 2005, var þjálfarinn látinn fara og heimamaður ráðinn til að koma liðinu upp rétt eins og núna. Fram valtaði yfir 1. deildina og komst upp en þá var heimamaðurinn látinn fara og annar maður ráðinn til að halda liðinu upp. Sá var margfaldur Íslandsmeistari sem leikmaður. Hvaða þrír menn eru þetta sem stýrðu Fram 2004, 2005 og 2006? (3 stig)
30. MYNDASPURNINGAR NEÐST
16. Ítalska stórveldið AC Milan hefur mátt muna sinn fífil fegurri. Þetta magnaða lið hefur í gegnum tíðina unnið ótal titla, jafnt heima sem og í Evrópu, og með því hafa margir af bestu leikmönnum sögunnar spilað. Í dag fá allskonar njólar að klæðast rauðu og svörtu treyjunni, en það er fokið í flest skjól þegar Adel Taarabt fær að spila með jafn góðu liði. Hér á árum áður spiluðu leikmenn með Milan sem voru í umræðunni sem bestu leikmenn heims. Þrisvar sinnum hefur leikmaður AC Milan tekið við nafnbótinni besti leikmaður heims hjá FIFA. Hverjir eru það? (3 stig)
6. Hver á þennan feril? (1 stig)
8. Hér sjáum við byrjunarliðin í úrslitaleik enska bikarsins 2001 sem Liverpool vann á móti Arsenal, 2-1. Hvaða þrjá menn vantar í liðið? (3 stig)
11. Hvaða keppni ertu nýbúin að vinna þegar þú lyftir þessum myndarlega bikar? (1 stig)
15. Þessir fjórir leikmenn eiga það sameiginlegt að hafa spilað með liðum sem Eiður Smári Guðjohnsen hefur spilað með. Hver þeirra hefur spilað með tveimur liðum sem Eiður hefur spilað með á ferlinum. Hverjir eru þetta og hvaða tvö lið tengja þá og Eið Smára? (4 stig)
17. Hver á þennan feril ? (1 stig)
20. Hér sjáum við byrjunarliðin í úrslitaleik Ítala og Frakka á EM árið 2000. Hvaða þrjá herramenn vantar á þessa mynd? (3 stig)
22. Þetta er einhver allra dýrasti varamaður í fótboltanum í dag. Hvað heitir hann? (1 stig)
25. Hér sjáum við byrjunarlið Íslands fyrir sigurtapið fræga gegn heimsmeisturum og verðandi Evrópumeisturum Frakka í október 1999. Níu af ellefu leikmönnunum á myndinni hafa orðið Íslandsmeistarar hér heima, en aðeins einn þeirra Íslandsmeistari með tveimur liðum. Hvaða leikmaður er það? (1 stig)
28. Hér sjáum við líklegt byrjunarlið Southampton sem Guardian stillti upp fyrir leik liðsins gegn Burnley í ensku úrvalsdeildinni um síðustu helgi. Dýrlingarnir fóru ævintýralega vel af stað en geta nú ekki keypt sér sigur. Ronald Koeman hefur engu að síður gert vel í byrjun árs úr hópi sem enginn bjóst við neinu af. Reynslan er ekki mikil í liðinu, en í þessu byrjunarliði er einn leikmaður sem hefur verið í byrjunarliði í úrslitaleik Meistaradeildarinnar. Hver er það? (1 stig)
30. Hér sjáum við fimm knattspyrnumenn sem hafa náð mislangt á sínum ferli. Flestir þó gert þokkalega úr sínu. Þeir eru þó langt frá því að vera föðurbetrungar því pabbar þeirra voru miklu betri en þeir. Hverjir eru pabbar þessara leikmanna? (5 stig)
Athugasemdir
