McCormack var ekki í leikmannahóp Villa sem gerði 2-2 jafntefli við Preston um helgina eftir að hafa misst af fleiri en einni æfingu í vikunni á undan.

Eins og Fótbolti.net greindi frá um helgina voru afsakanir hans skrautlegar og nú síðast gat hann ekki mætt á æfingu þar sem hliðið fyrir utan húsið hans var bilað.

McCormack kom til Villa í sumar, frá Fulham en honum líður ekki vel í Birmingham, þar sem Villa er staðsett og vill hann flytja aftur til London.

Villa hefur ekki fengið formlegt tilboð enn þá en félagið er reiðubúið að leyfa honum að fara.