Arsene Wenger, stjóri Arsenal, ætti að fá langt bann eftir að hann missti stjórn á skapi sínu og ýtti við fjórða dómaranum Anthony Taylor. Þetta segir Graham Poll, fyrrum dómari í ensku úrvalsdeildinni.
Wenger var vikið af bekknum þegar Arsenal vann Burnley í gær. Hann reyndi samt að vera áfram í göngunum eftir brottvísunina. Taylor sagði honum að færa sig en þá reiddist Wenger enn frekar og ýtti við honum.
Wenger var vikið af bekknum þegar Arsenal vann Burnley í gær. Hann reyndi samt að vera áfram í göngunum eftir brottvísunina. Taylor sagði honum að færa sig en þá reiddist Wenger enn frekar og ýtti við honum.
„Wenger og hans lið hafa grætt á slatta af „vafasömum" ákvörðunum hjá dómurum á þessu tímabili. Wenger átti að muna eftir því og halda sér rólegum," segir Poll.
Wenger brást illa við þegar Jon Moss, aðaldómari leiksins, gaf Burnley vítaspyrnu í uppbótartíma síðari hálfleiks.
Wenger baðst afsökunar á hegðun sinni eftir leikinn.
„Ég hefði átt að halda kjafti. Ég biðst afsökunar á því að hafa ekki gert það," sagði Wenger.
Athugasemdir