Huginn hefur endurnýjað samninga við fjóra leikmenn sem munu því leika með félaginu næsta sumar í 2. deildinni.
Þetta eru þeir Birkir Pálsson, Magnús Heiðdal Karlsson, Gauti Skúlason og Rúnar Freyr Þórhallsson.
Þetta eru þeir Birkir Pálsson, Magnús Heiðdal Karlsson, Gauti Skúlason og Rúnar Freyr Þórhallsson.
Birkir Pálsson, 34 ára, er fyrirliði liðsins og hefur verið á mála félagsins frá árunum 2003-2005 og svo aftur frá 2014. Þar á milli lék hann fyrir Þrótt Reykjavík og Hött.
Magnús Heiðdal Karlsson, 28 ára, hefur verið með meistaraflokki hjá Hugin síðan 2008 og á 43 leiki í deild og bikar fyrir félagið.
Gauti Skúlason, 24 ára, hefur spilað með meistaraflokki Hugins síðan 2009 og á hann 74 leiki og eitt mark í öllum keppnum.
Rúnar Freyr Þórhallsson, 24 ára, hefur verið í meistaraflokki hjá félaginu síðan 2008 og á hann 117 leiki og 12 mörk í deild og bikar.
Athugasemdir