Þrennuhetjan Sergio Aguero fær hressandi félagsskap í úrvalsliði vikunnar í enska boltanum. Mánudagsleikurinn fær að sjálfsögðu að vera með í dæminu og þar á Swansea tvo fulltrúa eftir gríðarlega óvæntan sigur gegn Liverpool.
Er einhver leikmaður að gleymast? Láttu vita í ummælakerfinu.
Victor Moses (Chelsea) - Enn og aftur frábær frammistaða hjá Moses. Var meðal markaskorara í stórsigri gegn Brighton.
Alfie Mawson (Swansea) - Öflugur í vörninni og skoraði eina markið í 1-0 sigri gegn Liverpool. Er hægt að biðja um meira?
Nacho Monreal (Arsenal) - Spilaði bara fyrsta hálftímann gegn Crystal Palace og fór svo af velli vegna meiðsla. Skilaði samt tveimur stoðsendingum og marki!
Wilfred Ndidi (Leicester) - Öflugur á miðjunni þegar Leicester hélt marki sínu hreinu þriðja leikinn í röð.
Mesut Özil (Arsenal) - Virðist á förum frá Arsenal en stuðningsmenn geta notið hans í nokkra mánuði í viðbót.
Athugasemdir