David James verður aðstoðarþjálfari ÍBV ef hann semur við félagið en þetta staðfesti Hermann Hreiðarsson þjálfari liðsins við Fótbolta.net í dag.
James sagði sjálfur í viðtali við Fótbolta.net í dag að hann sé jákvæður á að ganga til liðs við félagið en hann hefur verið hér á landi síðustu daga og sá leik liðsins gegn Fjölni í Lengjubikarnum í dag.
Hann hefur verið að afla sér þjálfararéttinda á Englandi og ef hann kemur til Vestmannaeyja þá verður hann spilandi aðstoðarþjálfari.
Sjónvarpsviðtöl við David James og Hermann eru væntanleg hér á Fótbolta.net innan skamms.
Athugasemdir
