Betur fór en á horfðist þegar Einar Ottó Antonsson, leikmaður Selfoss, átti afar ljóta tæklingu í leik gegn Víkingi Reykjavík í Lengjubikarnum í gær.
Víkingurinn ungi Ásgeir Frank Ásgeirsson varð fyrir tæklingunni og hélt um hnéð á sér. Þeir sem urðu vitni að tæklingunni óttuðust það versta en heppnin var með Ásgeiri sem gat klárað leikinn.
Einar Ottó fékk að sjálfsögðu rauða spjaldið og vissi upp á sig sökina. Hann var fljótur að biðja Ásgeir afsökunar.
Tæklinguna má sjá í sjónvarpinu hér að ofan en myndbrotið er birt með góðfúslegu leyfi RÚV.
Þess má geta að Víkingur vann leikinn 3-1 en tæklingin kom mjög seint í leiknum.
Athugasemdir