Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 23. febrúar 2018 11:00
Guðmundur Aðalsteinn Ásgeirsson
Batshuayi kominn með nóg - Hvetur fólk til að sjá Black Panther
Mynd: Getty Images
Michy Batshuayi, sóknarmaður Borussia Dortmund, lenti í leiðinlegri reynslu að verða fyrir kynþáttafordómum í leik gegn Atalanta í Evrópudeildinni í gær.

„Árið er 2018 og samt heyrast apahljóð úr stúkunni, í alvöru?" skrifar Batshuayi á Twitter.

Þetta er ekki nýtt á nálinni hjá stuðningsmönnum Atalanta en stuðningsmönnum liðsins var refsað í janúar fyrir kynþáttaníð í garð Kalidou Koulibaly, varnamanns Napoli. Var Atalanta þá gert að spila heimaleik á bak við luktar dyr.

Því miður er rasismi algengt vandamál á Ítalíu en Batshuayi er með skilaboð fyrir þessa óprúttnu stuðningsmenn.

„Vonandi munuð þið hafa gaman að horfa á Evrópudeildina í sjónvarpinu á meðan við förum áfram."

Batshuayi benti svo fólki að sjá myndina Black Panther sem er nú í sýningahúsum.





Athugasemdir
banner
banner
banner
banner