fös 23. febrúar 2018 17:00
Guðmundur Aðalsteinn Ásgeirsson
Conte: Betra ef Pogba verður á bekknum
Mynd: Getty Images
Antonio Conte, stjóri Chelsea, hefði ekkert á móti því að sjá Paul Pogba á varamannabekk Manchester United þegar hans menn heimsækja United á Old Trafford á sunnudag.

Pogba var á bekknum gegn Sevilla í Meistaradeildinni í vikunni en átti góða innkomu þar að sögn Jose Mourinho.

Síðustu leikir hafa ekki verið góðir fyrir Pogba en hann gæti snúið aftur í byrjunarliðið gegn Chelsea á sunnudag.

„Við erum að tala um leikmann í hæsta gæðaflokki, frábæran leikmann," sagði Conte aðspurður út í Pogba.

„Ég býst við að sjá hann inn á vellinum, þar er samt betra ef hann verður áfram fyrir utan byrjunarliðið."
Athugasemdir
banner
banner
banner
banner
banner