Liprir taktar hjá Guðjóni (sjá myndband)
Kerala Blasters 0 - 0 Chennaiyin
Guðjón Baldvinsson lék allan leikinn þegar Kerala Blasters fékk Chennaiyin í heimsókn í indversku ofurdeildinni í dag.
Á 53. mínútu fékk Kerala kjörið tækifæri til þess að komast yfir en Courage Pekuson klúðraði þá vítspyrnu sem Guðjón hafði fiskað. Guðjón tók þá góðan sprett áður en hann var tekinn niður í vítateignum af varnarmanni Chennaiyin.
Guðjón átti góðan leik en hann var mikið að lenda í tæklingum og þess háttar í dag.
Dimitar Berbatov, fyrrum leikmaður Manchester United, var einnig í byrjunarliði Kerala Blasters og spilaði fyrir aftan Guðjón.
Þessi leikur endaði með markalausu jafntefli sem eru vonbrigðarúrslit fyrir Guðjón og félaga. Kerala hefði farið upp í fjórða sæti deildarinnar með sigri en efstu fjögur sætin veita keppnisrétt í úrslitakeppni um meistaratitilinn. Kerala er í fimmta sæti, einu stigi frá fjórða sætinu þegar einn leikur er eftir af tímabilinu. Liðið sem er í fjórða sæti á leik til góða og gæti gert út um vonir Kerala vinni það leikinn sem það á til góða.
The referee awarded a penalty to @KeralaBlasters here!
— Indian Super League (@IndSuperLeague) February 23, 2018
Watch it LIVE on @hotstartweets: https://t.co/CdgXQtYFjG
JioTV users can watch it LIVE on the app. #ISLMoments #KERCHE #LetsFootball pic.twitter.com/VnOWHDWxNm
Athugasemdir