„Það er gott að prófa sig gegn öllum heimshálfum. Það er öðruvísi aðferðarfræði þar og og fínt fyrir okkur að prófa. Við erum með Argentínu í riðli og ég held að taktíkin sé ekkert ósvipuð. Ég held að það séu 30% Mexíkóar í Santa Clara svo það varður örugglega uppselt á leikinn og góð stemmning og skemmtilegt."

Elmar spilar með Elazgispor í tyrknesku B-deildinni þar sem hann hefur átt fast sæti á miðri miðjunni.

„Ég spila alla leiki þegar ég er heill en varð fyrir því óláni að misstíga mig fyrr í mánuðinum og er að jafna mig á því. Ég er í góðu standi og spenntur fyrir leikjunum. Þetta er fyrsta tímabilið á mínum ferli þar sem ég spila bara eina stöðu, allan tímann á miðju. Það hefur gefið mér rosalega mikið og ég er að spila mitt besta tímabil. Það er mikivægt að vera í takti og fá að halda áfram á einum stað. Svo er það allt annað þegar maður kemur í landsliðið, þá er maður tilbúinn að leysa hvað sem er."

Elmar er fjölhæfur leikmaður og getur spilað margar stöður á vellinum, við spurðum hann út í það.

„Það er plús og mínus að geta spilað margar stöður. Það er plús þegar maður er í svona góðum hóp og mikil samkeppni en það kemur kannski niður á því að maður fái þessa rútínu og venju sem gerir það að verkum að maður viti nákvæmlega hvað maður á að gera. Plús og mínus en með landsliðinu tekur maður hvað sem er," sagði hann að lokum.