Alexander Veigar Þórarinsson, leikmaður Grindavíkur, verður ekki með í byrjun Íslandsmótsins. Þetta sagði Óli Stefán Flóventsson, þjálfari Grindavíkur, við Fótbolta.net í dag.
Grindavík fær FH í heimsókn í fyrstu umferð á laugardag.
Grindavík fær FH í heimsókn í fyrstu umferð á laugardag.
„Við erum aðeins að verða fyrir skakkaföllum og það sem er pirrandi við það er að þetta eru óeðlileg meiðsli. Þetta eru tábergssig, meiðsli á hæl og putta og svoleiðis sem við þurfum að díla við. Þetta gæti þýtt að það verði ekki allir klárir á laugardaginn," segir Óli.
„Alexander er alveg off. Hann fór í aðgerð á putta og má ekkert gera í fjórar vikur held ég. Það er áfall. Við áttum ekki von á því að þessi aðgerð yrði svona. En sem betur fer erum við með hóp til að díla við svona áföll"
Óli segist annars spenntur fyrir því að mæta öflugu liði FH.
„Það fylgja nýjum þjálfara nýjar áherslur og það eru margir nýir leikmenn. Þjálfarinn er góður og þeir þekkja þetta allt saman. Við undirbúum okkur undir það að FH-ingar verði í toppgír," segir Óli Stefán Flóventsson en viðtalið má sjá í heild í sjónvarpinu hér að ofan.
föstudagur 27. apríl
20:00 Valur-KR (Valsvöllur)
20:00 Stjarnan-Keflavík (Samsung völlurinn)
laugardagur 28. apríl
14:00 Breiðablik-ÍBV (Kópavogsvöllur)
14:00 Grindavík-FH (Grindavíkurvöllur)
16:00 Fjölnir-KA (Egilshöll)
18:00 Víkingur R.-Fylkir (Víkingsvöllur)
Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!
Athugasemdir